飯後吃糖水,滋補又美味 ,蕃薯糖水、白果腐竹、木瓜雪耳、紅豆沙、綠豆沙、西米露、咋喳、椰汁黑檽米、芝麻糊、合桃糊....
各式各樣,你喜愛那種糖水?
記得兒時媽媽煲西米露,我會用它來自製雪條,尤以加入芋頭後,雪凍十分美味^^
有套卡通片「小魔女得意妹」,女主角常唸咒:「紅豆沙、綠豆沙、點紅點綠誇啦啦」,那小時候的我卻不明白紅豆沙與得意妹有何關係。
我喜歡的糖水會隨年紀和心情而轉變,由兒時的西米露,到少年時的腐竹糖水走雞蛋,直至最近卻愛上合桃糊。
不是每處地方也有合桃糊售賣,有時真的要碰上運氣。
某天,吃過在元朗廣場對面的「有益甜品」合桃糊,即愛上了。
==========================
*網友料理鐵人提供的食譜:
合桃糊
材料:
去衣合桃6安士(175克)
冰糖 8安士(225克)
米2湯匙(原來要加米,我都係剛剛先知)
水5杯
淡奶2安士(50毫升)
1.合桃放入淡鹽水烚3分鐘,洗淨瀝干,待干透後用火油炸至浮起及呈金黃色.取出
隔去多餘油分.
2.白米浸透後放攪拌機內加水少許打成漿狀,過濾成米漿.
3.用一杯水將合桃打成漿狀,過濾成合桃漿.
4.將四杯水加冰糖煮溶,加入合桃漿及適量米漿煮至微稠.
5.加入淡奶,拌勻熱食.
花生糊
基本上只係花生醬加糖加花奶開水煮.我冇份量的.大約一份花生醬.半份水.如果覺得唔夠再慢慢加.
糖隨意.花奶隨意.
*網友老師提供的食譜:
楊枝甘露
西米 50g, 牛奶 400 ml, 椰醬 400 ml, 水 400 ml, 糖 100 g, 芒果茸 4-6 個, 金柚肉
適量
1. 將西米出水過泠
2. 把水和糖煮成糖水
3. 芒果切粒, 部份打茸
4. 西柚去皮將果肉取出
5. 所有材料不分先後加入已湅的西米露一同攪勻
大良八記合桃糊好好味
回覆刪除我鐘意食芋頭糖水, 芒果西米露... 豆腐花 - 我就鐘意食係街邊公公婆婆... 挑著支長竹走黎走去, 好懷舊果一種... 唔知點解... 覺得咁樣先至夠風味... 不過, 依家真係好少見到啦... 偶然去西貢, 或行山時, 都會見到既... 而且, 無論我當時個肚幾飽都好... 只要我一見到, 我一定會整番一碗既...
回覆刪除Sorry, 補充一下... 係挑著支長竹... 兩邊各有一個大木桶... 用肩膀挑著走黎走去... 不斷大叫 「豆..花, 豆..花...」果隻... 唔知你有冇見過, 或試食過呢...?
回覆刪除回多啦B夢, 我去大食八記都係食椰子糊多 反而真係冇去個度食過合桃糊喎..HEE 回天空, 個D山水豆腐花確係有風味D的 可惜我仲未遇到個D婆婆啦>.<~
回覆刪除一直鐘意食"幻彩明珠",最近覺得"芝麻蛋白燉鮮奶"又幾好。
回覆刪除芋頭西米露,good !!! Also 合桃糊 !!!but it's always tooo sweet when eating outside !!!!Do u agree?
回覆刪除回mei, 反而我覺得街買的西米露有時都幾甜@@ 回nochoice, 幻彩明珠是乜東東來的? 我都好鐘意蛋白燉鮮奶^^
回覆刪除我比較愛吃紅豆沙、綠豆沙和芝麻糊,飯後的糖水是芝麻糊 + 湯圓,好好味的!
回覆刪除回may, 我鐘意食芝麻湯丸>v<
回覆刪除"幻彩明珠"用料太多,不能盡錄。 http://www.openrice.com/big5/sr2.htm?shopid=468 此"芝麻蛋白燉鮮奶"亦非比一般蛋白燉鮮奶。 http://www.openrice.com/big5/sr2.htm?shopid=4216
回覆刪除回nochoice, 原來好似生果撈西米個D~ 謝推介^O^
回覆刪除HAHA 我好專一, 又細到大都係 like 紅豆沙加湯丸
回覆刪除用薑煲的蕃薯糖水、湯丸都從好好味, 我也喜歡紅豆沙either 加靚果皮或香滑淡奶, 而家好難揾到靚糖水食!
回覆刪除回susana, 嘩.. 我鐘意食紅豆沙+好多淡奶架 回跌倒, hee.. 湯丸我會揀芝麻個隻
回覆刪除