2012年4月30日 星期一

2012年4月22日 星期日

小學講座分享

適逢下星期是「世界閱讀日」

今天我來到沙田圍胡素貞博士紀念學校進行講座分享



熱情的學生令氣氛推上高峰,^o^





今次主要分享我的創作路,學生也看得很投入。




我見到部份同學仔拎住我D作品揮手,好有親切感~ =^_^=




佢地仲好踴躍問問題~



除了是一般作者問題外,佢地有D問題都幾有創意~^O^

 





「你最鐘意食咩食物?」
「你同你妹鬧交會幾時睬番對方?

「你會唔會用恐龍做書的主題?」
問題多元化很有驚喜






講座完結後,部份學生和我分享她們的畫作




 渡過了一個快樂的下午,

我從學生身上也有得著。

希望你們喜歡我說的內容吧 ^_^

2012年4月18日 星期三

某天和朋友在家的附近隨拍
朋友想影夜晚的風光





見時間尚早
於是我帶朋友去到我早前幫特殊學校粉飾外牆的畫作面前

拍照留念~


因為早前完成畫作後天已昏暗,並未有機會留底





等到晚上,終於可以夜拍這兒的風光


 

「夜閑人靜處

 


當天際,星與月漸漸流動
 ...




感觸有如 
潮水般洶湧 




若是情未凍 




請跟我 哼這幽幽的Saxophone




想起你 茫然於漆黑夜半 




在這晚星月迷濛




盼再看到你臉容 在這晚思念無窮  


心中感覺似無法操縱 .... 」

這裡一點聲音也沒有,但眼看卻是一片燈火通明的熱鬧風光。

這刻,電話響起:「喂!返黎食飯喇~~」



「知道!」

 還是快快回家吧~ 

2012年4月14日 星期六

洗白白囉~


收到客戶送來的樣版,
是全新滴露natural的沐浴露系列

滴露出名是「防菌保護」,而這個系列除了有這個配方外,
還有深層滋養、徹底清淨的作用。





今次我分別用了3款沐浴露為那3隻「陳年公仔」洗白白,看看那隻最好。




每隻洗完後再給媽媽和我評評。
(PS. 原本無咁多泡的,為了畫面美觀,所以係咁磨擦泡沬XDDDD)





首先是「補水防燥」沐浴露



說明書:「含蘆薈及草本精華,為乾燥肌膚注入源源水份....」
媽的感覺:「似香皂味,幾清新」
我的感覺:「好似3款味道中last得最耐,依家打緊字都嗅到這芳香」


======================================================


修復鎖水沐浴露



說明書:「含天然橄欖及杏仁精華,雙效修復並鎖緊肌膚水分...」
媽的感覺:「果汁味,有點似士多啤梨味」
我的感覺:「是啤梨味呀!三隻之中最濃味,好香呀。」


========================================================

溫和滋潤沐浴露


說明書:「針對敏感肌膚,蘊含金盞花及甘菊精華。」
媽的感覺:「淡的菊花味!」「3隻中我較愛這個」
我的感覺:「3隻中最淡味。」





試了三隻效果後,媽較喜歡「溫和滋潤」(黃色頭髮那個」
我原本較喜歡「修復鎖水」(紫色頭髮那個),
不過因為依家身體上還有草本的味道,且我皮膚很乾,
所以最後還是選了「補水防燥」了(藍色頭髮那個)

三位公仔已經變得乾淨了 (笑)

==================================================






史迪仔話:「點解無我份」XDD


 

 

 


 

2012年4月11日 星期三

精彩復活遊(下) 超好服務的印度素食

這天,朋友帶我到尖東的一間印度素食店吃午餐~



我們二人叫一個北印度素食餐,很豐富啊
而我們吃的同時,店鋪老闆間唔中都會走黎同我地吹吹水的~


佢原來係巴基斯坦人@@ (開印度店?)
情況就好似香港人開日本菜館咁~ 哈~有趣有趣~

我問老闆:「你黎左香港幾耐?」
佢:「黎左六年喇!」
我:「點解你D廣東話咁流利?」
佢:「因為日日同女朋友煲粥仔。」

原來佢女朋友係香港人黎架,唔怪得之咁流暢啦~
我地仲發現到,佢可能跟女朋友學得多,
佢D尾音好女仔,例如「O既 / 啦 /架喇」個D都學埋~
哈哈~ 有趣有趣~





有些是茄子+香料、土豆+香料、薯仔+香料、西蘭花+香料
我們用餅左點右點,好好味~







我讚老闆:呢個甜品好好味呀!有D椰味又有少少乳酸味,
內裡夾雜了提子粒、香蕉粒、菠蘿粒.... 係咩黎架?
佢話呢個叫「SOOJI WALWA /SIMOLIAN」
一個月先整一次呢個甜品,因為要攪好耐好耐好耐...
跟住體貼的老闆仲送多客SIMOLIAN比我地食 >V<







跟住老闆講得興高采烈,仲係廚房拎埋呢包原材料送比我地~~
叫我地返屋企試下整 @O@!!




原來係由小麥造的 (冇乳酸、椰油)架!~~
只要加油加水加埋佢,係咁攪攪攪,由白色攪到黃色的就ok了~




老闆驚我地聽唔明,仲用紙筆寫底造法!!! 超體貼~~~

我問老闆:點樣分辯巴基斯場同印度人?
老闆話巴基斯坦有90%較白,10%較黑~
而印度就係90%較黑,10%較白~
哈哈~ 明白了。





事後呢間店3點落場,餐廳無人又冇趕客,
老闆一句byebye就走左!! @口@!!!
我地可以自出自
入自助找續@@~~
超FREE...... (有點感到不好意思~ haha)


試問係香港有幾多餐廳o既服務如此體貼?
感恩今天遇上,對印度文化又加深左認識
 很不錯啊

------------------------------------------------------------------------

P.S. 如果夜晚去食會較多人,尤其係八點後,因為印度人慣左夜吃啊~~~
我個日就係平日中午去的~ 相對人流較少~^^

精彩復活遊(上)

今年復活節我放12日大假,
以往我都會利用這段時間去旅行的,
但今年要趕書所以要乖乖留港消費,
不打緊,假期也有許多東西可以做吧~


Day 1 ~ 復活節假竟然天公不造美
期待已久的野餐聚,卻因天雨關係而取消~~ 嗚嗚~~




結果我們移師到朋友家,
繼續jam歌、聊天、看影碟,今次我彈口風琴,好好玩呢^_^

就這樣渡過了一個下午~



 



==============================================

Day 2~

原本計劃出外影相相,但天仍下微雨

於是我們走入中環的懷舊星巴克渡過一個下午。




這裡充滿著舊香港的佈置,很不錯啊~




而我們就在這裡寫寫生吧~~~






我寫友人~ haha~
聽著店裡的音樂,靜靜地畫,好relax 呀~






還有這幅,寫店裡的人和事~



 



我和朋友的寫生作品合照~~~~


==================================================

朋友前一晚由日本回來,當晚就和她交收結他和手信~~
好開心呀~~~ 下個月標要學小結他啊!

 




這個假期未完的,
第三天,我們竟變了印度之旅~ haha
欲之後事如何,請看下回分解 :p


 

2012年4月2日 星期一

[歡迎轉發] 4月的朋友們,生日快樂





又到4月份了,今次4月生日賀圖以4隻白羊賀生辰作主題,
4月是白羊座嘛 (笑)

希望你們會喜歡啦~

2012年4月1日 星期日

[繪本] 當天的4月1日


4月1日除了是哥哥的紀念日外,9年前的今天,你還記得這件事嗎?




面對一些突發事情,原本生活安穩的我們便會打亂陣腳,盲目相信、消化、附和...


當年的我們,緊張、惶恐、無助,過去了,


眨眼已過了九年,我們還過得好嗎?