2015年12月28日 星期一

2015年12月27日 星期日

我的貴精不貴多的2015


總結這一年,我會用一個字「精」來形容我的2015。
這一年,因正職工作關係,我創作產量的確比以往少,但總算各方面都達標:

1. 講座/分享會
我很喜歡做講座,與同學互動,分享創作心得,看到同學滿意的笑容,我也感到很大的滿足感!可惜每次做講座也需要請假,年假不多,無奈推了多場講座,只能在合適時間的活動出席。承蒙各位老師的喜愛,我連續三年到基德小學分享創作心得、閩僑小學與多國藉小朋友分享、在JCCAC分享﹝雞蛋仔仔N世代回顧﹞、在何福堂書院有少少職業導向的分享以及受WACOM邀請,到K11商場有一個工作坊。


2. 繪本出版
謝謝「書名號」出版邀請,今年和其他七位著名漫畫家合著《童年同閱》漫畫書,分享兒時玩意,這也是我第一次出版漫畫呢 :)

3. 展覽
今年參與了3場合作展覽,分別是年頭在JCCAC的「雞蛋仔仔N世代回顧」,而年中很高興得到WACOM 邀請,與 @東尼電機 一起在K11商場辦畫展,能迫使我短時間畫了多幅頗高水準的插畫 其實我要人迫,創作才會爆發,所以超感激WACOM給我這次難得的機會。而年尾12月,現正進行的第三屆香港觸感藝術節,我展出了一幅有關盲人與普通人分別的展品,展期至到31日,有空不妨逛逛 :)

4. 其他
和HKEDUCITY 合作了多年,謝謝編輯不介意我拖稿更新專欄,也謝謝各位給我鼓勵,對我不離不棄。


展望將來,我希望2016年有更多時間投入創作,和大家分享我的所見所聞!請大家繼續支持我!



2015年12月22日 星期二

【真人真事小故事】《小王子》


 男:今次電影《小王子》唔睇英文版喇!
女:好嘢!終於可以睇返熟悉嘅廣東話配音喇!
男:唔係喎,我想睇法文版,原汁原味
女: ⋯⋯

由於未有時間畫,所以今次用對話形式顯示吧 :P 

2015年12月5日 星期六

2015年11月30日 星期一

日本婚禮和香港大不同


昨日參加日本友人的婚禮,和香港大不同:
1. 香港去飲可以hea少少,但在日本,女士全白全黑NG,必須穿絲襪和高跟鞋
2. 香港主家席坐在最前,日本主家席坐到最遠
3. 香港飲宴開始,通常侍應攜乳豬排隊出場,但在日本,攜的卻是香檳
4. 香港食到最尾有膠袋比你將生果帶走,但在日本比你帶走的卻是鮮花(枱花,夠環保)
5. 香港新人全晚笑不停,日本新人除了全日笑不停,還有不停鞠躬


還有其他不同之處,留待稍後有機會再和大家分享吧 :) 

2015年11月21日 星期六

2015年11月17日 星期二

2015年11月11日 星期三

插畫:相識是一種緣份


相識是一種緣份,我在創作路上不經不覺已經第十年了,謝謝你們一路以來的支持。既要兼顧生活又要兼顧工作的確很累,但看到你們給我的留言卻令我回復多一點動力。現在就來個小小測試,請大家用短短幾個字留言告訴我,你是從哪裡認識到「思詩公主」?讓我了解你們更多吧~ 

2015年11月9日 星期一

插畫:BB豬


除咗BB 之外,豬豬都係近年好 hit 嘅情侶相稱,除咗呢幾隻豬豬,你仲諗到乜嘢豬豬呢? 

2015年10月27日 星期二

【插畫】亞囡補習呀?


【亞囡補習呀?】 以前邊有咁多學生補習架,除非小學成績好差啦,否則家長都會慳返啲錢,亦都好少迫仔囡補咁多科。就算踏入中學,都係為咗應付會考,通常到中四先開始搵一兩科補,所以相對起而家嘅學生,或者係開心啲嘅~ 

2015年10月26日 星期一

[閩僑小學分享創作心得]


原來呢間學校有一半係非華語,面對300人我唔驚(多多都試過),但面對一半同學係唔識廣東話,我就有啲擔心佢哋聽唔明,好在老師幫忙輔助翻譯地道術語 ^__^ 估唔到反應又出奇地好,佢哋聽得好興奮,仲有同學仔捉住我隻手唔比我走添,太可愛了~ 

2015年10月19日 星期一

插畫【不如⋯交換電話用啦】


【不如⋯交換電話用啦】 其實一睇智能電話,就知道用者係男仔定女仔, 男仔通常係新聞、股票、漫畫⋯⋯悶到死 女仔通常係美圖、美圖同美圖⋯⋯無聊到死 圖中嘅APPS你哋有幾多個? 同意請傳發! 

2015年10月10日 星期六

【繪本】Neo Derm Beauty 我的皮膚測試 (上)

謝謝 Neo Derm 邀請我到Beauty Counter 體驗皮膚測試

皮膚專家話呢部機能剖析我嘅肌底類型,幫助追蹤肌質與肌齡變化趨勢,針對問題作出根治。唔知我有咩肌膚煩惱呢?

只要將頭放入呢部機,拍下我嘅側面同正面樣,就能作出分析,
真係咁神奇?




因為我個樣唔好睇,所以呢部份用卡通加真皮膚代替XD
以正面同側面作出六種肌底分析


首先睇睇我嘅雀斑

嘩!肉眼睇都唔覺得有咁多點,
原來我嘅肌底有咁多雀斑,尤以㠪面有好多呀!
專家話如果唔處理,年紀越大,雀斑就會越浮面架喇!
媽呀~~~好驚呀!
分析話我啱啱合格咋~



跟住係皺紋分析
肉眼睇我眼頭都有少少幼紋,但原來唔只眼頭,
我額頭都開始出現喇!
不過以同齡嚟講,算係表現唔錯架喇




跟住係粉刺,
藍色係過往被擠壓過所出現嘅凹洞,
即係好似吱暗瘡,好易有洞架~
而黃色部份係粉刺,代表我毛孔有油脂污垢,引起閉塞,
睇嚟我毛孔閉塞嚴重過凹洞好多喎 @@


跟住落嚟就係毛孔問題。。。
呢個簡直係好嚇人嘅結果!
毛孔越粗大,越多點點
我成塊臉都係密密麻麻嘅點點呀!
即係我嘅毛孔好明顯
處處都係重災區
以同齡比較,好低分呀!

專家話可能我臉上太多死皮,問我幾耐做一次深層清潔
下?其實我好少做架。。。好懶呀。。。


睇到呢度,我已經唔想睇落去,
好想掩臉走呀~~
仲有斑點、荷爾蒙斑、敏感等等分析
我亦無心機睇喇,嗚嗚~~~



其實我一直以為我係有缺水問題,
於是我買咗好多補濕產品去搽,但效果都係普通
尤其化咗妝之後好易甩皮。。。

我以為係產品問題啦,
到呢刻我先知,係我臉上死皮太厚,毛孔塞住咗,
搽極都只係表層,根本入唔到肌底。。。

應該先去角質,作深層清潔,攪好毛孔內嘅油脂污垢問題
先再用保濕產品去鎖水同補水,
咁先係良策。。。

知道咗我嘅問題,下一步點解決?
下回話你知啦~~

P。S。如果大家想做皮膚測試,可以下載佢哋嘅APP 登記!費用全免。
你做完皮膚分析嘅結果,仲可以係APP度睇得番
而且APP會幫你挑選針對問題嘅建議產品,解決肌底問題

立即用手機SEARCH "neo derm beauty" APP 啦!


2015年10月9日 星期五

畫貓 (17 LIVE)


第一次玩17 live直播畫貓貓,賺咗五千個心心 :p (多謝朋友畀面)
ID: 思詩公主

原來又要畫畫又要講嘢好難架,都係專心畫畫好了XD 

2015年10月5日 星期一

三小時art jam,畫貓


三小時art jam. 畫朋友的貓~
五日假期眨眼就結束了, 好想將來有一間屬於自己的畫室/studio 啊!

2015年9月29日 星期二

2015年9月20日 星期日

2015年9月8日 星期二

【插畫】紙上棋盤


以前科技唔發達,無手機、無電腦、我哋嘅童年玩意離不開紙上棋盤到公園追逐嘅集體遊戲,人與人之間更互動,更親蜜。

黑白棋、大富翁、飛行棋、康樂棋、鬥獸棋、波子棋、蛇仔棋。。。

你最鍾意玩邊款紙上棋盤?一齊分享下啦~ 

2015年9月6日 星期日

是日下午茶是「雞蛋仔仔」yummy ~ (≧∇≦)


是日下午茶是「雞蛋仔仔」yummy ~ (≧∇≦) via Princess Ceci http://ift.tt/1VGzV4S

Starbucks 品味月餅

中秋到了,今年你收到幾多盒冰皮、蓮蓉月餅?

最近,我收到一盒與別不同嘅月餅 -- Starbucks

今年星巴克月餅包裝改以正方硬皮紙盒代替長方形鐵盒,簡約得來很優雅!

揭開橡筋帶和蓋,發現內有兩層,
每層均有4個獨特口味,每個獨立包裝,共八個月餅


分別是:
抺茶麻糬紅豆(新口味)、海鹽焦糖麻糬朱古力(新口味)、
特濃咖啡杏仁、日式焙茶桂花口味,
款款特別,總有一款合心意。




忍不著先品嚐各款口味嘅月餅,
整體而言,每個月餅層次都好豐富,
例如抺茶麻糬紅豆,紅豆味好出,再滲出甘濃抺茶,加埋QQ口感嘅麻糬,好獨特!也可能係抺茶控關係,這款口味係4款中最快被K。O。!

而媽媽最愛日式焙茶桂花口味,淡淡桂花清香,味道甘醇細膩,只係個人意見如果稍為無咁甜會更好!

海鹽焦糖麻糬朱古力,朱古力味好濃郁,加埋口感乾軟糯嘅麻糬,你食過未?

此外,少飲咖啡嘅我,竟然再度懷念佢嘅特濃咖啡杏仁!(上年我已經喜歡)
STARBUCKS 最出名係咖啡,今年再度回歸真係好,
杏仁碎粒夾埋咖啡月餅估唔到咁夾,一試難忘!



此外,包裝設計很不錯,食完一層,可以慳位拎走一層
唔夠幾日,已經被家人清咗大半!


Starbucks 經典禮盒裝內有抺茶麻糬紅豆月餅、海鹽焦糖麻糬朱古力月餅、
特濃咖啡杏仁月餅同日式焙茶桂花月餅 各2件。

以及中杯裝(12安士)手調飲品券2張
售賣$288一盒

如果大家有興趣,可以到各門市試試啊!


喺坊間多數以雙黃蓮蓉、奶黃月餅以及冰皮月餅作賣點時,
STARBUCKS 推出呢4款與別不同嘅月餅,係中秋送禮品味之選
相信對方收到,都會好難忘呢!

2015年9月4日 星期五

【繪本】教你簡單禪繞基本畫


「禪繞畫」複雜而美麗,其實任何人都可以畫到,還可以透過畫畫放鬆心情。
看看 思詩公主 的簡單教學,一齊動筆畫這種漂亮而重複的圖案吧~

按入專欄:http://bit.ly/1EEi6in