2006年11月23日 星期四

105-魚肉腸


相信各位朋友兒時一定吃過這種零食 -  魚肉腸。

這是一種廉價的小吃,大部份小朋友也付得起。

不過,我最不滿意的是它的包裝,怎麼會用銀色圈圈套著?

 

為了要吃這條魚肉腸,我們也會用自己的方法開啟。

妹妹苦練了一會,終於可以用口脫圈圈了,圈一脫,即能享用。

朋友甲會在腸的中間轉轉轉,弄斷兩截才吃。

很遺憾,本人至今還未能領略到用口開啟的秘訣,
記得小學的小賣部,設有剪刀,買完的魚肉腸,可以即場剪下享用。

我曾試過勉強用手脫圈圈,手指不但弄花,雙手也紅了,最後仍未能開啟。
如果在街上,我便會快快回家,再到處找剪刀,呼~ 終於可以一邊看電視,一邊吃了~

另外,兒時曾經把魚肉腸切粒送飯,味道淡淡的。

我較喜歡吃這隻芝士魚肉腸(辣味),它不會像別的牌子般吃完會口渴

=================

文文的回應:

我要吃善字腸....我覺得最好味

 

呆加路的回應:

我都好鍾意食~
我愛食大洋牌OR WINNER腸~
我都可以用牙咬開架~
秘訣就係用犬齒響有少少肉既地方咬一口~
犬齒就會吉穿個膠面架啦~

再唔係你可以將條腸一開二~
你將條腸響中間好似扭糖紙咁不停咁扭~
扭左七八下之後就用力捉住兩邊一拉~
條腸就會一分為二架啦~
開口仲好靚的~

新出了特別的....好似明太子善字腸 .....好想食添
 

yugi 的回應:
講你都唔信......
話說以前讀小學時已經有魚肉腸賣......
而我果間小學有好多石屎牆 (有好多小石粒果種,請幻想一下)
我地一班男仔......
最鐘意扭扭扭扭 (話時話,扭果陣時手都痛埋,不過扭扭下好過?的 XD)
跟住將拉長左既膠套.....
o係牆邊擦擦擦........
之後磨蝕左果邊就會好易開 XDDDDDDDDD

 

Yugikei 的回應,

在下用o既方法係:

用牙咬住個鐵圈對落o既膠轉幾個圈, d膠就會拉長左d. 係拉長左o既膠位置就好易咬到缺口. 之後拿住個鐵圈向膠o既接口方向 (深橙色) 各下拉, 層膠就會好似拉鍊咁樣打開.

 

kocat的回應:
唔記得睇邊度教
用牙籤o係小鐵圈下穿過, 吉o係腸既中間
然後一隻手拎住條腸, 一隻渣住牙籤轉一圈,
跟住o個個部份既膠就會斷開, 咁就可以搣開黎食勒



 

30 則留言:

  1. 我宜家都有食, 係幾好味架

    回覆刪除
  2. 我見過有小朋友用牙咬,咬得甩掉了牙(乳齒)

    回覆刪除
  3. 對!對!對!吃來吃去,只有善字最正!最好味!

    回覆刪除
  4. 我間唔中都有食架,而家d魚肉腸既味道比以前多好多選擇,真係好好味呀~~~

    回覆刪除
  5. …哈哈…小弟當年單手加牙咬一嘢就成碌開晒…

    回覆刪除
  6. 居然可以脫到個圏架 ??? 我都唔知 tim

    回覆刪除
  7. 你好叻呀, 好好味啊, 我個肥豹哥重有個特別辟好, 鍾意食腸腸飲紅酒

    回覆刪除
  8. 次次都係响中間 轉.. 轉.. 轉.. 轉.. 轉..... 然後搣開o黎食. 無諗會咬開個圈.

    回覆刪除
  9. 切粒送飯, 媽媽俾的嗎,

    回覆刪除
  10. 我直到依家都好喜歡食~

    回覆刪除
  11. 好食~~好好食~~好鬼鍾意食!!

    回覆刪除
  12. 細個食會用口咬開,但係牙會痛. 大個學精左! 用門匙同鐵閘匙有齒個邊夾住個圈,然後大力一扯,就可以扯脫個圈圈. 方便快捷. Try it and tell me is it easy enough.

    回覆刪除
  13. 回Bostonian2011, 嘩..好特別的方法,等我下次試下先..hee 回dummysky+企鵝+怨念女孩+活B美夫, 同我一樣 回盼望的緣份, 個時貪玩,阿媽又冇理 回yan, 我又冇諗過係中間轉轉轉喎 回mug師奶, 哈..腸腸飲紅酒,會更滋味嗎? 回跌倒, 咁你點食架? 回voodoo_child+仙子, 嘩.. 咁厲害 回taka, 對呀..我鐘意食芝士魚肉腸 回三眼九尾狐, yeah~~~ 我都係咁話

    回覆刪除
  14. 我以前都有食,我係用中間不停轉我方法,不過而家就冇食 lu

    回覆刪除
  15. 我細個都成日食架~~ 講起都有d想食

    回覆刪除
  16. 好正呀..我細個的時攸成日覺得好難開佢地包裝...還有想食芝士腸呢

    回覆刪除
  17. 昨天我都有食魚肉腸呀 ~ 我是會在腸中間轉轉轉,轉到斷開先會食 ~

    回覆刪除
  18. 近排見到都想買呢食o既野, 可惜太忙, 連食零食o既時間都無 ...

    回覆刪除
  19. 我係用手 扭 斷佢架.... =P 細個勁鍾意食呢~~~ ^_^

    回覆刪除
  20. 間唔中都有食~~~~~just魚肉腸,其他味...唔太鍾意...

    回覆刪除
  21. 嘻..↑怨念女孩↑ 為你送上一張早黎既 ※christmas card※ 願你有個開心快樂既 聖蛋...

    回覆刪除
  22. 嘻..↑怨念女孩↑ 為你送上一張早黎既 ※christmas card※ 願你有個開心快樂既 聖蛋...

    回覆刪除
  23. 我有個同學自從看過製造過程就不敢再食任何腸類,雖然我都在電視上看過,都估到,但我暫時仍然會食。不過這種即食魚肉腸我都不太多食,我鐘意食小紅腸多d^^

    回覆刪除
  24. 回jimmy, 噢..佢製作過程係點架 回怨念女孩, 謝謝您呀>v< 好得意 回world_beater 我都好鐘意食雞肉腸架 回bb-wing+絲絲+可樂, 用手扭好似好難開咁@@ 回我幽, 噢. 忙什麼? 回魔鬼, me 2呀 回小丸記, 間唔中食一次都ok的 回sanpo, yeah.. 下次買黎試下丫

    回覆刪除
  25. 我成日都買被大雄食,佢一口氣食幾支(善字牌)一支都唔留被我 無所謂啦!我地係朋友

    回覆刪除
  26. 我成20年冇食過「魚肉腸」喇~

    回覆刪除
  27. Fatgarfield 肥加菲2006年12月2日 凌晨2:19

    I used to love these sausages as a kid, but always almost 'broke my teeth' trying to open the top.

    回覆刪除
  28. 哈哈,你們真的很笨喔~
    我很久很久以前已發明左一個好方法開啓啦,完全不用粗暴對待的.
    就是在圈圈對下位置用門牙角在膠上咬一顆小洞, 然後手拿著那顆圈一向上拉就可以把膠袋撕開, 再往下拉就可以完全撕下來了..

    別再用牙咬圈圈和不停的轉了...其實真的很簡單^_^

    回覆刪除