轉載:不詳
戲院
其實我諗好多人都知,好多時有每當有新戲上演
戲院都會先影一場空場,一來試o下條片,擴得順唔順,
二來就係俾o的『大佬』睇,等上正場o既時候唔好同人爭位啦。
聽講以前全港最猛o既東成戲院,每次試片都會坐滿『大佬』o架。
空姐
以前o既空姐通常都會養龜,寓意『歸』來o既意思,
因為好多時佢o地身在外地,客死異鄉就唔好啦。
大廚
有兩個禁忌;
1)第一張單決唔可以是炒飯、瀨粉,因為炒有炒魷魚,
瀨有瀨o野等不祥o既意頭,所以一般廚房都會做蒸飯工作,
有(蒸蒸日上o既意思 )。
2)中國傳統,重男輕女,一般大廚都係男人o既job,
所以大廚o既刀同鑊一定一定唔可以俾女人掂,否則就會有血光之災。
風水大師
依一個禁忌,我諗絕對可以叫做唔講唔知。
原來係入行拜師之初,都要係『三損』之中選擇其一,
作為入門條件。
乜o野係『三損』?
『三損』為
絕子絕孫;
終生貧困;
折福折壽。
原因係堪輿,風水與天機有關天機洩露,不得善終。
嘩!俾著我都唔知揀邊樣好?
仲要入得依行,無得百無禁忌,真係好囉命。
戲班(唱大戲)
原來係戲班演戲o既叫伶人,分:生、旦、淨、未、醜、貼、副、外、雜,
生有小生、武生,旦有花旦、老旦、刀馬旦,淨有花臉,
未將、醜角、(貼)花衫、副師、(外)老生、(雜)武二花。
禁忌方面
1)上o左關帝的小生,在後台上不得開口說話,否則會褻瀆神明。
2)原來同騎師一樣,掛靴都有收山o既意思。
而伶人嚴守o既禁忌,就係禁洗網巾,網巾用作戲子勒頭之用,
而洗網巾有告別亦有不祥之意。
護士
1)忌係病人判除帽,因為與喪服類同。
2)護士盡可能避免與搶救垂危o既病人有目光o既接觸。
因為相傳如果見到反? 梐惱既話,就會被鬼魂寄存身體之內,
直至鬼魂自動離去才可倖免。
棺材鋪
開棺材鋪就梗係唔老禮,最緊要o既兩個禁忌,就係:
1)一定要係日落之前收工,廢事o的遊魂野鬼走入o黎啦。
2)一定唔可以貪得意訓棺材,生人訓死棺,你o地話幾咁唔老禮喇。
俾錢都唔制啦!
記者
通常o的意外o既人通常都血跡斑斑兼面目全非o架啦,
聽講話記者去到意外現場,千其唔可以講好核突呀,
對死者或意外者不敬o既說話,如果唔係佢o地真係會跟住你。
咕喱(搬運工人)
即係宜家o既搬運工人,禁忌方面,用膳後的碗碗碟碟,
係收拾時一定要逐隻逐隻執拾,一定唔可以重重疊疊咁執,
如果唔係工作時會好易被貨物所壓。
理髮鋪
理髮鋪依定o野最多係乜?鏡也!
中國傳統,鏡不祥也,如果你唔小心打破鏡,我外婆話衰一年。
所以舊o既理髮鋪收工之前,都會將毛巾遮哂所有o既鏡先會收鋪。
就係廢事俾o的鬼走入去。
警察
我諗好多人都聽過喇!就係無論點都好,晚上行beat千其唔可以除帽。
所以你o地睇佢o地追賊都係按住頂帽去追o架。
點解關頂帽事?聽講話帽頂頂花,好大殺氣,無 ? 降鷙x攪你。
仲有? N係係凶殺案現場,都會莊住香先。
等被害o既『人』幫o下手,等佢快o的尋冤得雪。
演員
如果演員要拍死o既戲,拍完之後就一定要囉利是,
囉o既時候導演仲要同你講,『做戲o既o者』,廢事o的鬼信以為真,
咁你就大件事啦!
導遊
帶團通常最多時間同團友一齊o既時間,就係係架巴士度。
係巴士度,導遊就梗係吹o下水、唱o下歌、講o下鬼古。
但聽講如果去緊一間酒店準備留宿,就唔可以講o果間酒店o既鬼古。
因為o的酒店閑閑地幾百年歷史,覺得你對佢不敬就唔好啦。
搭棚
唔好睇小依個行業呀,好多裝修重建都係要搭棚o架。
搭棚師傅成800蚊一日,開足工幾皮o野一個月o架。
原來搭棚o既竹,分新竹同舊竹。
所有臨搭棚o既竹,都要莊香拜過1日1夜先可以上棚。
如果唔係就好容易會有意外咁話。
巴士司機
我都有聽過巴士司機,同版主講o既都差唔多。
之不過仲有一個禁忌,就係話係車廠出車之前,響一次大『安』,
目的都係叫o的朋友仔落車,俾o的晨光第一線照親就唔好啦。
救生員
老一輩o既救生員,都覺得有人遇難,除o左泳術唔掂之外,
都會覺得係水鬼作怪。
如果佢o地救o左一個人上水,就算真係無o左氣都好,
都要係佢o地耳邊不停講:「未死o架,你都未斷氣,快o的醒番.....」
之類o既說話,目的就係想等o的水鬼信以為真,離開遇難者。
咁佢o地就可能會救得番。
騎師
騎師o既禁忌呢,就係騎師裝束上任何一樣o野都唔可以『掛』,
尢其尢其係對掛靴(音
-her),掛靴(音her)即係retire(退休)離開馬場是也。
掛o左對靴,之後一落埸隻馬突然癲o左,騎師有意外,性命都保唔住!
Thanks!~~增進知識~ 關於風水佬方面, 依家咁多人都話唔生, 佢地choose絕子絕孫都無咩問題la!~~
回覆刪除乜原來護士係甘嘎~ 我要小心D囖!
回覆刪除有一樣野我唔明: 點解飯店、酒樓的廚房就唔可以俾女人掂,但家裏的廚房D男人就唔肯入?仲大大聲話個D係女人做嘎~男人大丈夫係唔會做嘎~
回覆刪除回kay, haha,因為女人工作的地方在家裡的廚房 男人工作的地方在外面的廚房? 回宇, 出生率越黎越低,學校就會越摺越多, oh~~~~
回覆刪除護士果 d 真係未聽過, 風水果 d 係以前啦, 好似話係收道果 d 野喎
回覆刪除做任何事都要諗定先好.
回覆刪除嘩, 真係學到好多野啊! 好有趣!
回覆刪除我也聽聞一個就是有關巴士的 巴士在深夜時行駛的話,就算無人落車,都要站站開車門(俾鬼上落)
回覆刪除這些知識令我獲益不少,以後我要小心D了,唔小心就很易開罪人了.
回覆刪除哇!!!!又學識多幾樣東西喇!!!
回覆刪除it's so funny~
回覆刪除好得意呀,多謝你的分享﹗我又知多d野勒﹗ 你用了多少時間找這些冷知識?
回覆刪除一般白領有什麼禁忌? 我想知...
回覆刪除回塔塔, 一時間真的想不到@@ 回monchichi珍妮+大鬼, 只是上網經過看到 見有趣咪post上黎囉 多謝您^^ 回愛藍, 哈..你喜歡便好了^^ 回chris, 不過我成日都講錯野的 回黑鷹, 呢個我都聽過 但就未見過 回cheongson, ^^ 那便好了 回無蹟, 有時我地都唔知原來咁做是錯的 回跌倒.
回覆刪除嘩! 真係唔講唔知。 呀! 唔知白領有無禁忌呢~
回覆刪除我爸爸是退休巴士司機,佢話無響"安"的 ~~ 之後佢笑我 ~~ 第一班車 ~早上五點幾,你響 "安" 一定俾人投訴 ~~ hahahaha
回覆刪除回小丸記, 哈哈... 晨早溜溜bubu 好似較定鬧鐘,定時定刻係度響 唔投訴都比人鬧啦 回little princess. 白領真的不知啊
回覆刪除思詩 ,
回覆刪除嘩! 妳唔講都唔知有咁多行(17行)內的禁忌。等我快D 話比D 老友知先!!
多謝 妳的分享,希望妳以后寫多 D 好文章 比大家參考。 感謝主。
回NOCHEATING , 呢篇文章不是我寫的,是從網上引用的
回覆刪除真係唔睇唔知~睇到有啲膽戰心驚
回覆刪除