繪本：情侶行街街(上)

和他行街街，
例行節目必定是逛「高科技電子零件」

睇下相機又睇下手機
拎上手玩下又格下價
再睇下各種NOTEBOOK
問完店員又擺低

不亦樂乎~

不過本公主....就悶屎喇~!!!

公主：你幾個月前咪買左notebook囉!!

他：嘻~~ 睇下之嘛，又唔係買~~

公主：走啦走啦~~~~ 睇左好耐喇 (不耐煩)

他：嘻嘻~~ 等多陣啦~ 好快好快

BUT 呢期....

他：我睇完我D 高科技零件喇，可以走得喇!(滿足地說)

公主：唔好走住啦! 我研究緊呢部高清電視有冇瑕疵呀~

他：走啦走啦~~夜喇~~

公主：你睇多陣NOTEBOOK啦~ 比我睇多陣啦

他：(下次都咪鬼帶你黎呢度逛喇)

其實唔只我一個企係度睇架
我見電視機附近都有圍住師奶、o靚妹、甚至OL
個刻真係想偷影個場面呢~

今時唔同往日

為左呢部<宮心計>

本公主呢期都盡量乖乖留係屋企食飯

如果真的要外出，也要想盡辦法去睇重溫

哈哈~~ 我諗我已經中左「宮心毒」喇~~~

你呢？

以上情節，純屬改編，如有雷同，實屬巧合..