人人開餐廳

很有趣，我與朋友閒聊有關相約看我的作品展覽cafe一事後，

朋友又突然打來問我：「你間餐廳幾錢呀?」
我話：「五六七十蚊啦」(意思係間cafe 一個set dinner)
佢話：「咁架?」(疑問中)
我話：「唔定架d價錢... 每個餐個價都唔一樣..睇你食邊款啦」

跟住佢話：「唔係喎..係問你賺左幾錢呀?」
我話：「下？零蚊囉」(意思係展覽裡的收入)

佢話：「零蚊?」(驚訝中)
我：「係呀！我都冇賣野.. 梗係冇賺啦！」

佢話：「唔係喎！我見你仲賣緊喎！」
我：「賣咩呀?」

跟住佢話：「咩呀!! facebook 餐廳喎!!」
哈.. 我終於明白佢講咩喇!!

最近好多朋友都近日沈迷呢隻由playfish開的「Restaurant City」

唔知你地係咪其中一份子呢？

大家睇下我間餐廳？呵呵~~ 真的幾好玩呢~~~

(感覺似我多年前玩o既pc game便利商店、夢幻西餐廳的年代)

我一人玩3個a/c黎換材料，都ok架~~

想睇攻略篇？按此吧