2007年4月17日 星期二

126-福字伊麵

在我的印象中,第一口的即食麵並不是出前一丁,而是「福」字伊麵。

還記得從前尚未搬入新市鎮時,家的附近設有大排檔,

我喜愛於假期和家人到大排檔吃早餐,內裡已有一箱箱福字麵放在路旁。

由於大排檔是露天關係,雖然內裡設有大風扇,但仍感到一點焗促,並有一股親切的油煙味。

心靜自然涼,只要看看餐牌再想像那些美味的食物,頓時心情愉快。

我最愛叫一碗餐蛋麵,加多一支凍鮮奶。

只不過是一塊餐肉一隻蛋,再加上福字品牌的伊麵,材料看似簡單

為什麼我卻不能仿照它烹調出差不多味道的餐蛋麵?

==================

福字伊麵有三種吃法,可煮熟、可加入熱水焗熟和當零食即食。

媽媽有時會入福字麵作家裡存貨,我和妹妹總愛趁媽媽不在時偷偷即吃一包,

味道與「媽咪麵」差不多,同樣也是小朋友的最愛呢!

說回「媽咪麵」,我曾經試過把「媽咪麵」加上沸水焗熟,味道卻難吃得很!

==================

死佬的回應:
好耐冇食過 ~最掛住以前搭船時食o既“餐蛋福麵”!

霸霸超百合子的回應:
我細路時每逢夏天,一局便局兩包,加兩塊火腿兩隻旦和兩隻廚司雞肉腸再加大量辣椒醬,唔少得支可樂
拎入去廁所開一缸大凍水一路食一路沖涼和睇漫畫....真係人生至高享受
我的發育時就是在一片福面中橫空出世

呆加路的回應:
我果時聽過人講~
鋪頭整得好食d~係因為佢個火大~
屋企爐頭做唔出咁大火~

peon的回應:
係我中學同小學既救命糧及小食黎架

沒有留言:

張貼留言