2006年9月27日 星期三

095-M記


 

記得我的小時候,「M記」的分店不像現在這麼多,最近的一間要坐半小時車程才能去到。

每到假日,我便早早起床,釀著爸爸到市中心吃早餐,當然,爸爸寧願多睡一會,也不願意坐半小時吃這個無益的早餐吧。

那刻,我十分愛吃「M記」的早餐,如果無定時供應,多好呢?

每次進入M記吃早餐,必會點「早晨全餐」,一隻手拿刀,一隻手拿叉,感覺就像陶醉於外國的生活般。

老實說,我對那幾個「M記」的吉祥物,一點也不喜歡,或許畫風太像西方了,一點也不可愛,也不討好。

某一年,家中附近的「M記」終於開幕了,那刻十分開心。薯餅、薯條隨時也能買到,十分方便。

可是,媽媽始終不鼓吹進食這些不健康的食品,甚少讓我們購買。

 

中學了,開始有自己的零用錢,午餐也不需向任何人交代,間中一餐「M記」也不錯。

當時剛推出的超值套餐「$17.3」,不用散買頗吸引。

吃得多,會生厭,有一排很少吃。

 

每次「M記」的逐少逐少加價,也令我一次一次的卻步,太貴了,很不值。

當出到來做事,便會不自覺比較一下大家的價值。

一個廿多元的套餐,便等於一餐飯的價錢了,倒不如吃些有益的還好嗎?

另外,每次吃完「M記」的套餐,心裡不自覺也有一點「內疚感」,唉.. 又肥了!

 

現在,我很少吃「M記」,不過每有新的美食推出,仍會有衝動光顧一兩餐。

 

==================================================

朋友SKII的回應:

> 那刻,我十分愛吃「M記」的早餐,如果無定時供應,多好呢?

記得我細個時第一次去M記係同媽媽兩個人去...媽媽問我想食咩..佢俾錢我自己出去叫
野食...
記得當時電視上經常播會熱香餅既廣告..受到廣告既催眠...我就好想食熱香餅~
不過...當我去到櫃台時..店員竟然同我講熱香餅係要朝早先有得賣(我去果陣係下午)
我當時所認識既M記食物之中..除左熱香餅之外就只有漢堡包...
所以..最終我只係叫左一個普通既漢堡包.........一路食一路覺得有D唔開心 ^^""

之後過左好多年..雖然我間中會去M記食野..但一直都無試過食熱香餅...
到有一次我去M記食早餐..心血來潮想試下熱香餅係咩味道.....
當我食完之後既感想係:車~~~撞鬼....都唔好食既!!!!! XDDDDDD

12 則留言:

  1. 畫得愈來愈有個人風格了。

    回覆刪除
  2. 回跌倒, 哈哈.. 梗有一間係左梗 回goosy, 我會將炒蛋和漢堡切一半,一半係夾係個包度,一半係切碎混合黎食 我都好鐘意飲熱朱古力..正 回dummysky, 哈.. 我都曾經試過,開會一流 回bostonian2011, 我反而喜歡茶餐廳o既薯條 有興趣請看c飲c食「薯條」那章 (又賣廣告了:p) 回豆腐人, 因為佢少左d菜。 回咩事, 豬柳漢堡我都好鐘意食^^ 其實係鐘意入面塊豬柳..haha 回金城, 多謝您呀^^ 回魔鬼, 我食完都會好驚.. 唔知係咪因為受之前套「不廋降之謎」 影響左 回宇, 同意唷

    回覆刪除
  3. 我記得八十年代M記經常贈送小玩具,但是九十年代變了,不再贈送,改為要購買小玩具,不知你有沒有記得?

    回覆刪除
  4. M記的回憶總是美好的... 代表了童年... 代表了家人... 代表了假期... 因為爸爸只會在星期日才帶我和細佬吃麥當勞的... 那時覺得很貴, 因為幾個人吃要幾十蚊...但不知道, 原來飲茶比這個還要貴... 細個只有漢堡包和薯條...因為只識這2款... 但長大後發覺魚柳包好味得多了~ 初中可以自己出街吃LUNCH, 成日食... 到咗後來吃到厭咗, 半年都無吃過~

    回覆刪除
  5. 你的畫畫的真靚,我細個都很喜歡食麥當當,但人大了就不太like啦!

    回覆刪除
  6. 我係少數唔鐘意食m記既小朋友...

    回覆刪除
  7. 我觉得M记的薯条和早餐做得比其他快餐店出色,在这边的早餐同国内的款式有好多唔同,薯条也相对比其它快餐店来得无那么油腻

    回覆刪除
  8. 回cool milk, 人地話香港m記同其他地方的m記食物質素好唔同 不過仲未有機會試 回009, 咁你一定好廋架喇 回藹, 多謝您 回yan+ho, 同我一樣 回flo flo, 那時覺得很貴, 因為幾個人吃要幾十蚊...但不知道, 原來飲茶比這個還要貴... <=== 我細個都唔知架 老豆成日話要上酒樓飲茶,我細個就唔係咁鐘意 回四眼溫妮莎, 我細個都有儲m記玩具 點知搬屋掉哂

    回覆刪除
  9. 第一次來看, 畫很美呀

    回覆刪除
  10. 小時候最喜歡m記加$的玩具, 同看他的廣告: 雙層牛肉.....人人食過笑哈哈. ,卡通人物造型(mctonight, 薯條趣PoPo), 墊台紙宣傳.似乎我吃M記裝修仲多過食物本身.

    回覆刪除