我從小已經愛上奶類製品,尤其對牛奶更情有獨鍾。
看見電視裡的富有人家把公升公升的牛奶倒進浴缸裡,一邊浸浴,一邊飲牛奶,看似主角十分享受,但我卻不禁嘆息浪費,這已足夠我飲用整年的份量了!!! 不知那浴缸洗刷得乾淨了麼?
小時候到茶餐廳吃早餐,儘管比其他飲品貴多$3,我必會點選樽裝牛奶作飲品,聽人家說原來金蓋和銀蓋是有分別的,但我卻喝不出。
我實在太喜歡喝牛奶了,記得中三的暑假,每天早上必會飲一支樽裝牛奶和一份三文治作早餐。暑假過後,我忽然長高了,由班中的前五位,排後至中間位置,原來,飲牛奶真的會令人長高的。
唱K時,我喜歡點選「鮮奶」作飲品,不過每次去洗手間照鏡時,均看到自己的咀唇變白了,要清理一番。
這幾年,牛奶界新興了「蒙牛」這品牌,初初對中國牌子存有介心,但看見它有一大堆什麼優質信心標誌,又看見同事紛紛轉用這牌子,我亦開始飲用了。
的確,這包裝頗老土,如果可以改變一下會更好。
==========
doggiee留言:
我差不多個個星期都飲
有時朝朝都飲........就只係飲維記 XD
不過我好鍾意飲佢個蒙牛酸奶~
原味的~呢個真係超正~
"奈奈" 留言:
http://www.leisure-cat.com/frm_1385.htm
我中意佢個貓型~XD
呆加路留言:
佢個貓呢~響吉之島十蚊店有一SET野~係比你整雞蛋布丁架~
果SET野,除左有包布丁粉,仲有兩個呢D KITTY 模架~
荃灣吉之島十蚊店有售~我上星期五先買左個~
我朝早一飲就會搞肚, 5555555555
回覆刪除我好鍾意飲蒙牛牛奶 ga,它夠騷!
回覆刪除我鍾意維記多d~
回覆刪除回009+大鬼, 其實邊隻都冇所謂..不過近期咁岩買開蒙牛.. 特價$19.9 6盒 回跌倒, 噢噢.... 小心身體啊
回覆刪除我誡咗奶好耐啦!!!!ha!haaaa!
回覆刪除蒙牛其實真係幾ok~~~
回覆刪除我鐘意忌廉溝鮮奶~
回覆刪除蒙牛飲落味道確實係唔錯~因為常公幹深圳,有時都會買來飲 ($2.1人仔一包!) 次選係十字牌牛奶~
回覆刪除蒙牛! 話説好肥嘎喔!!!!!!!
回覆刪除咁多人鍾意蒙牛既 我唔識貨...我比較鍾意十字牌哦~
回覆刪除回sam, 我中學時期都鐘意十字牌(樽裝) 貪佢平過其他牌子,成日特價 回kay, 噢.. 我d同事會選擇低脂的 回oe, 係呀係呀.. 有時d同事去開國內 都會入番d貨架 回瑤瑤板, 依家忌廉溝鮮奶只有舊式茶餐廳先有 回宇, ^^嗯 回dummysky, 嗚..我未戒奶
回覆刪除我從小到大喝奶都嘔, 也許是受不了牛奶的味道吧。 大個之後就沒有事,但是我還是不喜歡喝奶。
回覆刪除無錯....可以話找不到了....所以會買忌廉同鮮奶返屋企...自己溝~~ ^_^
回覆刪除我都係飲開蒙牛,我覺得佢最好味,夠純, 子母同維記都幾好嫁, 如果而家飲其他,就會覺得D味怪怪地。
回覆刪除蒙牛係好正架,好甘香的感覺。
回覆刪除唔止飲落肚正,隻股票仲正。兩個月內由九蚊升到十四蚊啦。
回覆刪除回PK, 嘩~~ @@股票專家,厲害厲害! 回車厘子, 唔知點解,總覺得隻隻奶都好好味 冇乜大分別@@ 回瑤瑤板, 忽然想起木瓜奶>V<
回覆刪除最怕蒙牛果陣腥味. 諗起都覺得恐怖. 我愛十字奶! 係北角的舊式茶餐廳點過「忌廉溝鮮奶」(佢餐牌上面有寫架!),跟住佢就比左一隻吉杯,一罐忌廉同埋一支十字奶我... 自己溝. 各位都可以係屋企試下架!
回覆刪除