原來蝦膏可以漿住個口

今晚嚟到29樓食日式鐵板料理

入到嚟就見到窗外係跑馬地馬場靚景，有埋賽事嘅話一定睇得好清楚！

師傅即場為我哋烹調多道菜式

呢味鐵板金鯛燒到兩邊脆卜卜，連埋魚鱗食，金香脆口！

仲有「西班牙紅蝦四食」，係呢間餐廳嘅重點推介，你睇吓啲紅蝦幾大隻？

師傅用盡紅蝦每個部份，分別為我哋整唔同嘅菜式

先嚟蝦腳炒到脆一脆，用嚟做小食佐酒。

原來蝦腳真係食得架！不過我牙力軟，比較少食。

再來蝦身做「鐵板西班牙紅蝦」，師傅話只係落咗好少鹽，蝦肉彈牙結實，仲好原汁原味！

再來師傅將蝦頭同蝦膏分開，超多膏！

蝦膏用嚟做「西班牙紅蝦燴稻庭烏冬」，每條烏冬都好有濃郁蟹膏味，我超喜愛，而家諗返都係咁回味無窮！呢度有個小插曲：話說師傅話落蝦膏適可而止，太多會漿住個口。我朋友唔信扯，話要試下係乜嘢感覺，於是師傅就用咗6隻蝦膏去炒。嘩～～烏冬好惹味濃郁，好好味！食食吓，開始Feel到有蝦膏漿住個口，既奇怪又有趣，飲水都好似無乜用，師傅於是畀咗碗熱辣辣嘅蝦頭麵豉湯比我哋飲，之後無事喇！哈哈

最後蝦頭用嚟做麵豉湯，再食埋日本蜜瓜，呢餐超滿足！

相片篇幅有限，出唔到太多相。我好想講日本A5和牛厚燒，入口鮮嫰多汁，佢仲配埋炒蒜片，好似食緊薯片咁爽脆，正呀！因為太多好嘢食，相反「大蝦皇飯卷」就變得一般了～

［鹽澤日式鐵版料理］ 地點：銅鑼灣耀華街38號Zing 29樓